月經疼痛（經痛）是許多女性在生理期常見的問題。據統計，約有50%的女性在生理期會經歷不同程度的經痛，其中有10%的人會甚至會因為經痛影響日常生活。忠醫診所致力於提供專業的中醫治療，幫助您減輕經痛，恢復健康。
宮寒不是經痛唯一原因｜一文了解經痛原因及處理方法
為自己，識多啲
忠醫首先為你整理左一份經痛分級表，方便你了解自己經痛去到邊一個地步。 當中第五級開始，可能令你有種「哇！咪吹水啦！」既感覺，但原來經痛真係可以痛到依個地步，不妨分享埋比一直覺得小題大做既男伴睇，等佢地更明白你經歷緊啲咩。 了解完疼痛程度分級，我地可以一齊去睇下經痛原因係咩？ 係唔係確實如坊間所講，你宮寒呀、你飲得凍野多所以痛？ 而我地又可以點樣去處理呢？ 可以話依篇文，已經包含晒你想要了解既資訊。
月經疼痛並不止宮寒一種原因
坊間經常聲稱，經痛皆因宮寒引起，然後向你推薦各種暖宮產品或暖宮療程。 但試完又唔覺有改善，原因係，根本你都唔係宮寒，咁又點需要暖宮呢？ 經痛，成因大部份都係「經血排泄不暢」，所以會令依排泄不暢出現都有機會係經痛凶手。 亦因為係排泄不暢，所以大部份人痛經都會集中係月經頭 1-3日，即係血量最多既時候，而且會伴隨小腹漲痛等表現。 下面有份清單，向你分享，中醫眼中經痛常見既症型，同具體表現，睇下你會唔會都中左其中一部份？
宮寒
經血色暗，質地較稠，血塊較多，周期容易推遲，手腳冰涼，怕冷，熱敷可以改善疼痛，飲凍野或者露個肚出黎，會加重疼痛。
肝鬱
血塊較多，周期推遲，小腹脹滿明顯，經常嘆氣，經前按壓乳房或肋側會感受明顯脹痛，情緒鬱結，亦有機會有大便不通等表現。
氣虛
經血色淡，質地較稀，經量可能較多，行經時疲倦明顯，容易頭暈、腹瀉、腰疼腳軟，面色較為蒼白。
血熱
經血色紅，經量過多，伴有月經前後容易生暗瘡，口乾咽痛，怕熱等「熱氣、上火」表現，心情煩躁，難以入睡。
當然，以上只係最為常見原因，而且亦只包括中醫角度的功能性問題，另外經痛都可以因為各種良性腫瘤引起， 如常聽見的朱古力瘤或子宮肌瘤等等。
了解以上內容有咩用呢？ 重點在於唔識醫，都唔好令佢加重。 有無試過月經後打算食少少補品，但每次食完就開始出現喉嚨痛、暗瘡等等表現？ 原因係補血方法有好多種，但本身因為血熱而出現痛經，以紅棗、當歸等等中藥補血，有機會越補越熱，令問題加重。
另外，你或者覺得自己中左以上兩種或三種表現，充滿疑惑，依種情況相當正常，因為以上表現係可以夾雜出現，令問題變得複雜，咁依個時候就真係要搵忠醫，等中醫幫你仔細分析一下，睇下點樣處理問題。
月經疼痛（經痛）中醫點醫？
中醫治療手法，不外乎中藥、針灸、艾灸，以下為你分享一下中醫會如何處理經痛問題。
針灸：對於月經疼痛，一般而言，會選用肝經太沖穴，因為中醫認為肝同條達有關，亦即係與各種排泄有關，仲記得月經疼痛成因，主要係經血排泄不暢嗎？ 另外亦會用三陰交、血海等等穴位，原因類似，目的都係為左針對某功能問題而用穴。
艾灸：艾灸一樣可以針對各種穴位處理，選穴取穴同針灸差不多，而確實為宮寒既朋友，其實應該首選艾灸進行治療，原因係艾灸所產生的熱力，可以直達宮寒位置，會立即有一種疼痛消失，深層寒氣被驅散的感覺。
中藥：以上方法，可以令短時間內感受到明顯變化，但仍需要中藥為你調理一下身體內部功能，常用藥方包括：逍遙散、桃紅四物湯、補中益氣湯等等，針對功能異常，針對性改善。 咁先可以長期擺脫到經痛煩惱。
經痛時，我係屋企又有咩可以做呢？
忠醫明白，非常疼痛時確實連出門口都有困難，只想得到一個解決方法，而唔係不斷叫你睇中醫，睇醫生，以下為你提供三個方法，係屋企都做到，不過都要講一句，真係暫時幫輕下，最終都係要睇醫生！
1. 叫朋友幫幫忙買以下飲品或食品比你，已經盡量幫你揀易搵到，而且係確實有效！
依個係忠醫診所出過既Instagram及Facebook Post，入面仲用最簡單方法教埋你檢查，雖然用字同上面內容有少少差異，但其實都係大同小異，跟住做就應該可以幫輕到，但麻煩記得揀真材實料既，而唔係紙包飲品⋯⋯
2. 穴位按摩 — 效果一定無針灸或艾灸咁好，但總好過無⋯
穴位方面，如果你發現自己屬於不通則痛類，請首選太沖穴；屬於不榮則痛類，請選用太溪穴；唔想再諗自己係邊種，請選用三陰交穴。
暫時可能要上網搵搵佢地位置，如果之後我地出穴位位置圖，忠醫會更新番依到。 但重點！擅用工具幫手，家中可以搵到的工具包括：圓頂筷子、餐刀刀柄等等，主要係令你發力更易，方法好簡單，搵到穴位位置，將筷子的圓頂或較圓潤的餐刀刀柄放係穴位上面，輕輕用力，感覺到有少少酸痛就已經夠，千祈唔好用死力！ 然後打圈按摩，大約五分鐘左右，你邊按會邊感受到經痛漸漸放鬆。
3. 食止痛藥啦 — 用左以上方法都唔覺有咩幫助，依個會係最明智決定
忠醫向來實事求事，如果用左以上方法都無幫助，即係已經唔係自救範圍可以減輕到，果斷食粒止痛藥，立即搵醫師幫手，唔好拖！咁樣反而會係最合理同最好的做法，
其他常見問題
痛經在各個年齡層都很常見嗎？
痛經在年輕女性中最常見，但它可以影響所有年齡層的女性，尤其是繼發於其他疾病的情況。
改變生活方式真的能改善痛經症狀嗎？
生活方式的改變，例如增加體力活動、調整飲食和減輕壓力，可以有助改善情況。
中醫治療對所有痛經女性都安全嗎？
中醫治療安全系數相當高，但對於女性來說，在開始任何新的治療計劃之前諮詢專業醫師是很重要的，特別是如果你已經在服用其他藥物。
結論
月經疼痛是許多女性的困擾，但通過專業的中醫治療，可以有效緩解疼痛。忠醫診所提供全面的診斷和治療，幫助您改善體質，減少經痛，提升生活質量。歡迎來忠醫診所，我們將竭誠為您提供最專業的治療服務。
聯繫忠醫
欲了解更多信息或預約診療，請聯繫忠醫診所。我們的專業團隊將為您提供最優質的服務。
