fbpx
性生活有障礙—陽痿(第一回)

白色情人節啱啱過去,唔知出左pool嘅各位情侶過得點樣呢? 林鄭話,佢同佢老公既性生活有障礙。性功能障礙,泛指任何與性行為相關的問題,包括缺乏性欲、性興奮、性高潮,男性出現陽痿、早泄,女性出現性交疼痛、陰道痙攣等等,導致患者產生心理痛苦六個月以上。敝除「抵死」同「天譴」之外,究竟係咩原因呢? 自古而來,中醫已關注性生活、生育相關的問題,係中醫界《聖經》級別經典《黃帝內經》的第一篇《上古天真論》就已經有所討論。今日,我地就從中醫角度,講講點睇「性功能障礙」之一,可以話係男人老狗其中一個最驚患上既一個病:陽痿。先計一計分睇下自己有冇機會患上呢個病先? 如果分數高既話,就要繼續睇落去啦!

陽痿,係指陰莖係性行為期間無法勃起或維持勃起。聽到「陽痿」呢兩個字,就算係無學過中醫既人,都好易會聯想到「腎虛」。無可否認,中醫既「腎」同生殖、性行為有非常大既關係,《黃帝內經.上古天真論》咁講:「腎氣盛,天癸至,精氣溢寫,陰陽和,故能有子。」《景岳全書》亦話:「凡男子陽痿不起,多由命門(腎)火衰,精氣虛冷,或以七情勞倦損傷生陽之氣,多致此證。」可見,陽痿好多時係因為腎陽虧虛所致。

但係,中醫就好似偵探推理咁,又好似捉棋要睇透整個棋局咁,醫人就要考慮呢個病係點樣、點解發生(病因),隨住時間有咩野發展、變化(病機),患者本身點影響個病機,個病又點樣影響患者本身等等,思考背後既原因同機理,然後訂立治法去治療,唔好見頭醫頭,見腳醫腳。因此,雖然上面《景岳全書》話陽痿「多由命門火衰,精氣虛冷」所致,但佢亦都有補充「亦有濕熱熾盛以致」、「思慮焦勞憂鬱太過者」、「凡驚恐不釋者」。無視原因,見陽痿就壯腎陽,就同我地要五大訴求,而林鄭就推民生紓困措施(然後cut醫學院撥款),係九唔搭八,無咩L用既。所以,陽痿很清楚分開虛補瀉實,虛則補之,實則瀉之,咪越醫越差,房事上搞到落花流水咁就唔好啦。今日,我地就跟住《景岳全書》作者Carbon Cheung(張介賓,字景岳)既腳步,去認識4個主要引起陽痿既原因。

先由最常見既原因開始:「多由命門火衰,精氣虛冷,或以七情勞倦損傷生陽之氣,多致此證。」腎陽虧虛既原因可以係因為年老自然虧虛,可以係先天既不足,可以係用得太多(包括做太多同打太多),可以係勞力、久病等原因傷腎。通常呢類既患者會除咗陽痿之外,同時會見到面色蒼白,時常精神不足,容易頭暈,腰膝酸冷,怕風怕凍,四肢冰冷等等。呢類患者尤其需要注意避免進一步傷害腎陽,包括暫時唔好進行房事或者打飛機。日日都房事或者打飛機,然後唸食d咩、做d咩可以補番,就同林鄭唔封關一樣,唔先截住源頭係無L用既。今日時間差唔多,下星期四繼續同你地探討其他原因。記住,如果你自我測試分數高的話,就上黎搵忠醫傾傾啦!

《驚蟄 – 打小人的好日子?》

「打小人」相信對於香港人而言並不陌生,但是你又知不知道為甚麼要在二十四節氣的「驚蟄」打小人呢?原來根據民間説法,驚蟄時燒香和祭白虎可以化解是非。後來,香港的「祭白虎」儀式慢慢就演變成在白虎面前打小人,希望由白虎「處理」小人,免得小人為害人間。 「驚蟄」是甚麼意思? 驚蟄指雷電交加的天氣驚醒了冬眠中的小動物,萬物亦開始在外面活動。 這個節氣對我們有甚麼影響? 1. 轉季較容易生病...

《24節氣:雨水令到個人好濕?》

「雨水」:標誌著冬去春來的節候變化。立春過後,天空就會開始下毛毛雨了。 這幾天大家有沒有覺得「嘩—不想起床」的感覺呢?恭喜你,這樣代表你的身體正在順應一個新的節氣! 雨水養生小提示: 養肝健脾嘅關鍵時候 只要養好脾胃,就能改善水腫問題;肝氣調達,人的情緒亦都會相對穩定、開心! .緊記要早點睡,因為凌晨1:00-3:00是肝經的運行時間(與其吃補品,不如試試早點睡~) .食用多點養肝健脾的綠色食物:例如竹蔗、韭菜、青椒、青蘋果、綠茶等等。 敏感體質人士須注意...

《第N波疫情又嚟,可唔可以搵中醫調理下呢?》

一波又一波疫情,弄得大家心身疲累。最近大家都說Omicron像普通傷風感,某教授還說多喝水和吃必理痛就沒有甚麼大礙了。 其實傷風感冒,中醫自古以來都醫治不少。即使現代社會,有不少人因為傷風感冒來看中醫。有的很快康復,退燒是一兩劑中醫就做到嘅的事;但也有些患者的確會演變成一兩個月才斷尾的咳嗽。 這當中關乎每個人的正氣強弱。中醫常說「正氣存內,邪不可干」,那麼「正氣」是甚麼呢?現代的講法大概就是一個人抵禦疾病的能力。現在很多人意識到要增強抵抗力,就要多喝水和做運動,然而做運動又要害怕無孔不入的病毒⋯⋯那麼我們還可以怎麼辦呢?...

《立春:一切重新開始 | 二十四節氣》

「立春」:標誌著春天重返大地的節氣。 立春是二十四節氣中的節一個節氣,白天陽光普照,晚上氣溫急降,溫差較大,稍不留神容易有「風邪」。按照《黃帝內經》,春天是陽氣升發、萬物生長的季節,並處於陰陽轉化的時間,對於情緒不穩定的人,應多養肝氣,腸胃會自然通暢。 立春養生宜忌? 宜: - 養肝 - 適量食用偏辛散、甘味食物(包括蔥、韮菜、大蒜、白蘿蔔等) - 戶外運動 - 飲玫瑰花茶(功效:疏肝解鬱) 忌: - 過於激動 - 大魚大肉 - 食酸味食物(傷肝) - 衣着單薄...

《二十四節氣:小寒點只小小寒?》

由於小寒的上一個節氣是冬至,地面吸取的太陽熱量特別少,因此,小寒是24節氣中被稱為「最寒冷的節令」。那麼,寒冷的天氣對你有甚麼影響?你又可以如何改善以下情況?不妨了解一下這麼有趣的一個節氣吧! 1. 做好保暖措施 香港的小寒並不是像字面上的那麼「小」,它甚至比下一個節氣「大寒」的氣溫更低,因此要更加注意頸背保暖,潛藏陽氣,避免寒氣侵襲人體。 2. 抽筋飲南棗水 你有無發現自己經常在凌晨1-2點時間特別容易抽筋?那是由於天氣寒冷引致,「寒主收引」,加上身體肝血不足,造成抽筋現象,如有以上狀況可試試沖一杯熱南棗水! 3. 保持心態平和...

《瑜珈X中醫 情緒管理》

上次應承左大家一齊再了解下瑜伽同中醫點樣處理情緒問題。身處喺香港呢個繁忙都市,就算你想放慢腳步,後面嗰個都會迫你行快啲。有壓力係好正常,但唔識排解壓力,反而導致社交同身體出現問題,就要搞搞佢啦!...

Share This