繼上次講左陽痿既原因同一d徵狀，我地繼續講下其他成因。
第二，「思慮焦勞憂鬱太過者」。中醫認為，思慮過度易傷心脾，心主血，脾主運化水穀成氣血，心脾兩虛就導致氣血虧虛，陰莖得唔到氣血所養，自然難以雄風展現。通常呢類既患者會除咗陽痿之外，亦兼見精神不振，訓唔安樂，食野冇胃口，容易胃痛、肚痛、肚痾等等。「治病必求於本」，除左施針用藥治療之外，更需要照顧本身個人思慮憂鬱既e心情，因此書中亦話「然必大釋懷抱，以舒神氣，庶能奏效，否則徒資藥力無益也。
第三，「凡驚恐不釋者」。《黃帝內經．陰陽應象大論》話「恐傷腎」，就好似係房睇緊AV，突然阿媽開門入房，或者突然睇到鄭若驊張FGO源賴光改圖，嚇到軟晒咁。呢d只係小嚇，唔影響下次，但如果係大嚇，就可能令到之後都硬唔黎。Carbon Cheung自己就記載左「一強壯少年遭酷吏之恐」而導致陽痿，如有雷同，實屬獨裁者天下烏鴉一樣黑。臨床上，通常患者會有明確既受驚史，證見陽痿，精神膽怯，易受刺激，心悸失眠等等。同因思慮過度一樣，治療重中之重係讓患者釋懷，配合施針用藥，讓患者安神定驚。
第四，「亦有濕熱熾盛以致」。雖然Carbon Cheung自己話「火衰者，十居七八，而火盛者，僅有之耳」，因濕熱熾盛而致陽痿既患者較為少見，但都唔可以忽略。呢類患者通常鐘意食辛辣、煎炸、肥膩、生冷、甘甜既食物，又鐘意飲酒、凍飲，證見陽痿，頭身困重，口乾不欲飲，胸腹滿脹，小便短赤等等。呢類患者最重要係戒口，雖然有時叫香港人去戒口簡直同叫佢去死冇分別，但唔戒口既話，個頭醫師幫你清走D濕熱，呢頭就自己加番D濕熱落去，係搵自己笨。
另外，講多一個臨床上少見既原因：腎陰虧虛。雖然陽痿係叫「陽」痿，臨床上多見腎陽虧虛既患者，但腎陰虧虛一樣可以導致陽痿，通常患者證見陽痿，口乾咽燥，失眠盜汗，腰膝酸軟等等。值得注意既係，由於好多人對陽痿既認知都係腎陽虧虛所致，所以有腎陰虧虛既患者自己誤食d補陽壯陽既中藥，反而更傷腎陰而令病情加重。講呢個出黎，係為左警惕大家，不論任何大小病，都唔好亂食中藥，食錯藥係衰過你咩都唔食，係食任何中藥前，都應咨詢中醫師既意見。
講左咁耐，相信大家都好心急想知，可以點樣治療陽痿。係推薦一d食療方之前，先要聲明：食療不能取代醫師治療。醫師係醫人既時候，需要考慮既野，遠比上文講既野多，用藥亦都要講究得多，由用咩方藥到每隻藥用量多少，點樣按住個人同個病去調整，都要講究。所以，如果食療方無效，請你真係要去搵中醫師求助。如果你已經睇緊中醫，請相信醫師開既藥幫到你，唔需要自己唸額外食咩好(除左話病人太夜訓同飲凍野食生冷野之外，我唸我話得最多就係亂食中藥)。
從醫日子久了，看到坊間對中醫有不少誤解。 曾經有病人找我做正骨，想治痛症，他問我能不能順道看中醫師——細問之下才知道，原來他以為看內科才與中醫有關，而我只是一個「正骨師」。又曾經有來調理經期的病人跟我說：「前排我腸胃炎冇嚟搵你呀，乜原來腸胃炎可以睇中醫？」我聽完一笑，到底大家眼中的中醫師是「何方神聖」？ 中醫當然可以治療現代的疾病。我們會用陰陽五行學說歸納和分析該疾病，中醫管這套方法叫作「辨證論治」。當然能否治好，還得視乎病情有多複雜，還有醫師醫術如何。...
