幫大家溫下書先，上次講到，濕疹好多時係同濕邪有關，濕邪又可以分為外濕同內濕。外濕係指感受外在ge濕邪，而內濕係因為內在五臟六腑ge問題所引起ge濕邪，而濕疹多數係內外濕邪兩者合而為病。當然，仲可以因為其他邪氣(e.g.燥邪)引起濕疹。
講起濕邪，上次都有講，濕邪重濁黏滯，成日痴住人唔放，所以濕滯係真係好濕滯，同濕相關ge疾病，往往都反覆遷延。然而，濕邪ge麻煩並不止於此。隔離twitter中泰 #nnevyy 大戰，鄰國五毛以為咒人阿媽死 #nmsl 就可以嗌贏人，一眾泰國人表示黑人問號，然後話自己有廿個阿媽@泰王。濕邪都一樣，鐘意周圍拈花惹草，同其他邪氣諸如風、寒、暑、火(熱)邪mix埋一齊。上次提到ge內濕同外濕，係從濕邪ge來源去分類。今次，我地會睇下，濕邪引起ge濕疹會同點樣同其他邪氣mix埋。當中，我會集中講濕熱以及寒濕呢兩種。
濕熱，就係濕邪mix埋熱邪，亦係好多一般人認知濕疹ge主要病因。要仔細分ge話，仲要睇濕邪同埋熱邪係點樣黎，佢地點樣mix埋等等，不過再講就出篇論文都得，呢度就簡單講講會有咩野常見ge臨床表現。濕熱引起ge濕疹通常會見d疹紅腫灼熱，滲出水液，皮膚瘙癢，而病人除左會見到食野冇胃口、無精神、大便黏滯等濕邪ge表現，以及小便黃，怕熱等熱邪ge表現之外，亦會兼見一D濕熱mix埋ge表現，例如口乾但係唔想飲水，或者飲完水唔舒服，因為雖然熱邪會令人口乾，但因為濕邪就係身體裡面冇用ge水濕太多，所以反而令到唔想飲水，飲完都會唔舒服。
事先聲明，如果已經見到濕疹，咁最好去睇中醫師治療。但如果你知自己係濕熱體質，而又冇咩野特別ge唔舒服，咁你可以用以下ge食療去調理下，預防濕疹。
檸薏水
材料：生薏仁30克、炒薏仁10克、檸檬5片
做法：用1公升水，慢火煮生薏仁、炒薏仁30分鐘，去滓，然後加入檸檬片。你可以按自己ge喜好調整檸檬ge份量，想甜ge話亦可以落d蜜糖。
都係個句，有病、有唔舒服就去睇醫師，食療用係平時調理、養生無問題，真係病個陣，食療係唔夠力去醫病架(講真，靠食療醫到病，我地就唔洗讀中藥、方劑讀得咁辛苦啦)。如果你有呢方面，或者任何其他方面ge唔舒服，歡迎前來忠醫診所求診。
從醫日子久了，看到坊間對中醫有不少誤解。 曾經有病人找我做正骨，想治痛症，他問我能不能順道看中醫師——細問之下才知道，原來他以為看內科才與中醫有關，而我只是一個「正骨師」。又曾經有來調理經期的病人跟我說：「前排我腸胃炎冇嚟搵你呀，乜原來腸胃炎可以睇中醫？」我聽完一笑，到底大家眼中的中醫師是「何方神聖」？ 中醫當然可以治療現代的疾病。我們會用陰陽五行學說歸納和分析該疾病，中醫管這套方法叫作「辨證論治」。當然能否治好，還得視乎病情有多複雜，還有醫師醫術如何。...
