fbpx
濕疹濕滯唔濕滯之#NMSL (#你咩濕哩) (番外篇第二回)

上回講完濕熱,今回就講寒濕。寒濕,就係濕邪mix埋寒邪。寒濕引起既濕疹,通常d疹顏色較濕熱既為晦暗,亦無濕熱既疹咁痕,個人本身會比較怕凍,手腳凍,食野冇胃口,飲水少,易攰無精神等等。

對於一般大眾黎講,寒濕會導致濕疹呢種想法可能會比較陌生,因為一般人都覺得濕疹就係濕熱引起。但係,臨床上都會見有濕疹係由寒濕引起。原因無他,好多香港人就屬於陽虛既體質,中醫黎講,寒邪、濕邪都屬於陰,陽虛則陰盛,所以有寒濕並唔出奇,加上香港人鍾意飲凍飲,食魚生壽司雪糕雪條呢d寒濕食物,就寒上加寒,濕上加濕,而寒濕邪氣亦會反過來損害陽氣,形成惡性循環。而如果病人唔明白寒濕都可以導致濕疹,以為濕疹都係濕熱引起,而去食龜苓膏、飲涼茶如廿四味、銀菊露等寒涼之物,就真係雪上加霜,自己送自己一程。

同濕熱一樣,事先聲明,如果已經見到濕疹,咁最好去睇中醫師治療。但如果你知自己係寒濕體質,而又冇咩野特別唔舒服,咁你可以用以下食療去調理下,預防濕疹。

桂在夠薑茶
材料:乾薑、桂枝、防風各10克、生薑3片
做法:用1公升水,慢火煮以上藥材30分鐘。如果怕薑味太重,可以酌量減少生薑份量。想甜D的話,可以加炙甘草10克。

都係個句,如果你有濕疹方面,或者任何其他方面唔舒服,歡迎前來忠醫診所求診。

《廿四節氣:秋分知多少》
《白露降臨—秋天來了》
《徐醫話你知:點解會胃病》
《性功能障礙 性福由你掌握(中)》
《立秋要見字飲水》
《大暑 – 盛載屬於你我的回憶》
Share This