fbpx
夏日炎炎不好眠(第一回)

「春天不是讀書天,夏日炎炎正好眠」,今年多得中國武漢肺炎,春天就真係唔係讀書天,不過DSE都依然要開考,到宜家應該考到一半,四個主科中英數通識考晒,係呢到忠醫診所都祝各位考生馬到功成,最重要係身體健康,做足防疫措施,勤洗手,唔好做武漢肺炎嘅幕後黑手。

啱啱個星期二(5月5日)就係立夏,標誌住夏天嘅來臨。夏日炎炎正好眠? 我唸每一個有良知、有追求民主自由嘅香港人,上一年嘅夏天絕對唔好訓。6月9、612、616、7月1、721、831、10月1、成個11月,由夏天到冬天,再由冬天到夏天,呢一年黎,真係唔知我地香港人有幾多晚係失眠。

講到失眠,係講失眠嘅成因同埋中醫點樣去醫失眠嘅人之前,先講講人點解要訓教。中醫學有個好基本嘅概念,就係「天人相應」,又叫「天人合一」,意思係人係同天地相應。天地呢有大宇宙有佢運行嘅道,而人作為小宇宙,亦應當順從天地呢個大宇宙,咁人先會健康。相反,逆天而行,就會得病。所以,「日出而作,日入而息」,當日出時,人就醒黎做野,日落時,人就番去休息。但當你背道而行,捱夜、夜訓,甚至通頂,咁你就係用緊HP去換MP,用自己健康去換取唔訓嘅時間。同樣道理,正正因為人嘅健康係要順天而行,所以唔好以為通完頂訓番8個鐘就recover 番,無得咁計嘅。當你後生個陣,人比較強壯,偶爾夜訓通頂,固然對健康影響唔大,但如果你成日都係夜訓通頂,簡直係生活係另一個時區咁,咁即使短時間無出事,到你老左,個人虛左,都實會出事。惡有惡報,若然未報,時辰未到,我相信無論係健康,定係邪惡嘅極權,道理都係一樣。所以,我敬佩所有要on-call 嘅醫護人士,從中醫角度黎講,佢地係字面上嘅以生命拯救生命。

講左咁多,相信大家都明白,點解啲中醫成日都咁煩要人早訓。訓教呢樣野,有得訓而唔去訓,係自作孽不可活,但想訓而冇得訓,咁就係病黎,醫好嘅責任就係我地醫師身上。如果有失眠,或者其他任何唔舒服,都歡迎黎忠醫診所求診。下星期,我地講講失眠嘅成因。

《白露降臨—秋天來了》
《徐醫話你知:點解會胃病》
《性功能障礙 性福由你掌握(中)》
《立秋要見字飲水》
《大暑 – 盛載屬於你我的回憶》
《性功能障礙 男女一樣有得醫(上)》
Share This