上星期講到「陽不入陰」係失眠既原因，而受驚係其中一個主要原因。今日會講多幾個原因，首先會講既，係同情緒有關，而且香港人都唔會陌生 – 壓力。
壓力大，香港人認第二，我唸得東京人可以一齊認第二，冇人敢認第一。壓力大訓唔著，近排經歷最多，應該就係應屆DSE考生。中醫黎講，壓力大會導致氣血鬱結，運行不暢，除左咁樣已經可以導致陽不入陰而失眠之外，氣鬱亦都會化火，火氣大就陽氣更盛，而更難入陰，失眠就更嚴重，病人同時會煩燥不安，口渴欲飲等等。要預防，自然係要學識減壓，減壓方法因人而異，以前講濕疹都分享過唔同方法，例如我會聽下音樂、煲下動漫，暫時脫離一下呢個世界，希望你都可以搵到屬於自己既減壓方法，不過如果已經持續一段時間，咁我都建議你去搵社工輔導幫忙。另外，你都可以用以下食療去預防，但老土都要講句，如果已經患上失眠，請搵醫師求診。
佛系解鬱茶
材料：佛手、陳皮、白芍各10克，紅棗2粒
做法：用1公升水，慢火煮以上藥材30分鐘。如果兼見煩燥不安，口渴欲飲，可以加丹皮6克。
講完壓力，講一個臨床都幾常見，但病人通常都唸唔到既原因：脾胃不和。中醫黎講，脾胃係人一身氣血升降既樞紐。如果病人本身脾胃虛弱，或者食滯左，又或者其他臟腑問題影響，導致脾胃不和，氣血升降失常，令到陽不入陰而失眠。呢啲病人除左失眠之外，往往伴有與脾胃病相關既表徵，例如胃脹胃痛胃口差、噯氣、痾嘔等等。我試過醫個失眠病人，每晚都幾乖既，10-11點就上床訓，但到2-3點先訓到。我再問清楚，原來佢本身脾胃唔好，食野胃口差，食完野就胃頂，我開左一條叫半夏瀉心湯既藥方(可以google search係咩，但即使你覺得啱你都好，都千祈唔好自行服用。呢個係藥方，唔係普通食療，需要醫師診斷下使用) 黎健脾和胃降逆，當中我一隻安神藥，例如夜交藤、合歡皮、遠志，都冇用過，主力醫佢脾胃，佢食左3劑就好番晒。所以話，中醫醫人唔係頭痛醫頭，腳痛醫腳，而係要全盤考慮個病人既體質，同埋疾病發生、發展同變化原因及機理。
對於脾胃不和既人，可以用以下食療去預防：
神級和胃湯
材料：神曲、蒼朮、生薑各10克，炙甘草6克，紅棗4粒，
做法：用1公升水，慢火煮以上藥材40分鐘。
如果有失眠，或者其他任何唔舒服，都歡迎黎忠醫診所求診。今個星期講到呢到先，下星期再講講其他原因，以及有咩穴位按摩可以幫助失眠。如果有失眠，或者其他任何唔舒服，都歡迎黎忠醫診所求診。
《白露降臨—秋天來了》
2021-09-05 | 忠醫雜誌
「白露」：白色、露水之義。白露是典型的秋季節令，反映了自然界的氣溫變化。每年陽曆9月7日前後，氣溫開始下降，天氣轉涼，早晨的草木有了露水。白露氣候特點：1.「溫燥」：引起支氣管哮喘疾病發作風險增加容易感冒小兒較易流鼻血2.「風邪」：容易侵襲人體上半身，女士注意一定不能讓肚臍受涼，否則容易引起月經不調。如何預防秋燥?白露是典型秋天的節氣，人體易受乾燥之氣所困，因而可選用滋陰、潤肺、養胃、生津等食物去預防秋燥。《白露茶》材料：雪梨 3-5個百合 15克無花果 三顆水 1升冰糖...
