《花之呼吸 — 秋冬滋潤,寧神芪茶》

11月總係多事之秋,見住一個個熟悉嘅面孔喺新聞上出現,相信大家嘅感覺都會同一年前區議會選舉踢走何已完嗰陣完全相反。遙遙長路,一齊行嘅人愈來愈少,但漫漫長夜,都仲有一位醫師陪伴住大家一齊失眠。

記得一年前嘅秋季,負責凌晨工作嘅我,從未試過收到咁多求助訊息,由1點到3點,電話上嘅通知一個接一個,喘咳、腹瀉、掌部擦傷、扭傷、脫臼、槍傷……但無論我覆得幾快,始終都追唔上求助嘅速度。

11月香港嘅恐懼與憤恨,相信只有親身經歷過嘅人,先會體會到刻係身心上深深的傷痕。抗爭之中,我哋除咗共同經歷一個個612/721/831/…荒謬時刻以外,相信大家都有一個屬於自己,只能深深埋藏心底,唔敢話俾人知,最深刻,最驚險嘅日子。

屬於黃醫師嘅秘密日子早已過去,但同大家一樣,當呢啲景象你以為自己已經淡忘時,又會係日曆更替過後,再一次提醒返你,其實你仍然心有餘悸,仍然有啲地方,唔敢再返去。

呢段日子大家都難捱,體驗過唔少事情嘅我,都知道小小花茶遠不足以平伏大家情緒,希望隔住個mon嘅自己,能夠幫得幾多就幾多。

ps. 有需要搵人傾訴時,黃醫師隨時都樂意聆聽。

希望以下嘅花茶配方可以幫到大家:

「壹之型‧酸酸花茶」

酸棗仁𝟮錢
乾玫瑰花 𝟰-𝟲朵
(舒緩  易炆煩躁)

「貳之型‧甜甜花茶」

龍眼肉 𝟭枚
合歡花 𝟭錢
(舒緩 易擔憂多慮)

「参之型‧回甘花茶」

蓮子 𝟭錢
西洋參片 𝟭錢
乾茉莉花 𝟰朵
(靜心凝神  消除疲勞)

以上配伍均能安穩情緒,可按照個人口味選擇,按圖中方法沖泡即可 (可反覆沖泡)。

#忠醫診所 #StayAndFight #願各位平安

忠醫診所呈獻:秋冬湯水 (一)
決戰忠醫館
《曹醫師話你知:點解你有肩周炎(又稱五十肩)?!》
關注一下,你的暗瘡、小粉刺
食糭食到滯
明年今日 別要再失眠 夏日炎炎不好眠(最終回)
Share This