fbpx
《徐醫話你知:點解會胃病》

喺香港嘅都市病入面,胃脹、胃痛、胃氣多、胃酸倒流甚至火燒心等一系列嘅上消化道疾病都幾常見。

點解會胃病? 

常見原因有以下數點:

– 飲食問題」

飲食不定時及過飢過飽都有機會使胃酸分泌過多,令胃黏膜容易受傷,甚至影響到十二指腸及如同時有賁門閉合問題(暴飲暴食容易引起),會引發胃食道逆流出現火燒心等症狀。

– 壓力、情緒問題

壓力及情緒問題影響到控制胃及十二指腸嘅植物神經,使其功能異常,胃酸分泌過多,使胃黏膜容易受傷、潰瘍。

– 藥物副作用

常用嘅非類固醇消炎止痛藥都屬酸性(同時抑制保護胃腸黏膜嘅內生性物質合成),有機會刺激到胃壁及胃黏膜而出現胃部不適。

而且香港人有飲涼茶/凍飲習慣,本地常見嘅涼茶用藥都係寒涼藥物,服用過多都容易導致脾胃受損。

– 點解胃病咁難康復?勤力過個胃?

點解胃病咁難好?首先了解咗消化分兩種,一種叫化學消化,即係胃液或其他消化液與食物產生化學作用,將食物分解再吸收;一種叫機械消化,即係口腔嘅咀嚼、牙齒磨碎、胃腸嘅蠕動將食物分成細塊便於消化、與消化液混合及推動到下一階段嘅消化器官。而胃嘅消化過程約4-6小時,所以早餐8點、午餐1點、晚餐7點食,有時仲加埋個宵夜11點先食,變相個胃真正休息時間只有零晨,休息唔夠又點會好得快呢?

難康復唔緊要,只要飲中藥外配合飲食,例如少食堅果類、奶類及其製品、豆類及其製品、番薯、薯仔、芋頭等澱粉質含量高嘅食物,同埋辛辣刺激、酸性等食物,保持情志舒暢(如果自己疏理唔到情緒,可以搵忠醫樹窿幫下手),唔好暴飲暴食及飲食不定時。注意以上事項就可以加快胃病嘅康復啦。

-消化系統科徐醫師

《廿四節氣:秋分知多少》
《白露降臨—秋天來了》
《性功能障礙 性福由你掌握(中)》
《立秋要見字飲水》
《大暑 – 盛載屬於你我的回憶》
《性功能障礙 男女一樣有得醫(上)》
Share This