忠醫輕鬆幫你 解決疼痛問題

 有無遇過以下情況？

1. 我一受傷有即刻睇醫生，但落番場一出力，明顯有種不穩定感覺，好似去盡少少就會再出事

2. 我受傷完有睇醫生，但醫生叫我唔好再做激烈運動，我只好選擇退出

3. 睇完醫生，醫生叫我激烈運動十五分鐘就休息，場波都未踢完，我就要坐番冷板凳

唔係忠醫同你講笑，以上說話係出自 前美國海軍陸戰隊首席體能總監 及 前費城76人體能總監 Charlie Weingroff，而佢提倡既概念相當簡單

T=R 意思係 訓練=康復，當中既R有三個層次：Reactive、Recovery、Resilience（重新激活、恢復能力、恢復韌性），咁表達可能有少少難明，我地不妨用一個案例探討，睇下點用中醫手法配合 3R 點令一位足球運動員，由受傷到再企翻係綠茵場上。

楊先生，32歲，正職地盤建築工人，每星期亦會同球會隊友踢兩場波。 有一次係比賽跳起頂頭槌時被撞跌，倒地初時腰有少少痛，到中場休息時，開始越黎越痛，最後要換替補上場頂替。 揾過西醫、中醫、物理治療，但都係放鬆到腰痛，想再大力射門時，條腰都會緊一下，然後得番平時六成力左右射門，運球時，亦偶爾條腰會閃一閃，阻礙動作，相當沮喪。 後來經朋友介紹，黎左中醫診所。

首先通過全身檢查，全身確實無疼痛，但腰椎旋轉角度不足，進行直腿抬高試驗時，亦係無疼痛，但動作受限。 好快就明白到，即使疼痛消失左都好，腰椎同髖關節，兩個位置活動範圍仍然未番到去正常水平。 再經局部檢查，楊先生背部，尤其係腰部肌肉相當繃緊，髖關節則伸展受限制。

所以忠醫先用針灸放鬆翻腰部肌肉，再用關節鬆動術，改善右側髖關節伸展問題 （重新激活），然後幫楊先生挑選幾個中級難度既康復動作，試下做唔做到，做到標準就試下升級，做唔到就降級，如此類推，揾出最岩楊先生程度既康復運動。 話就話係康復運動，但其實都有少少難度，例如：Bird-Dog、跪姿伐木式等等，令腰椎、髖關節活動能力進一步提升（恢復能力），並囑咐每日都需要進行鍛鍊，次數並非重點，重點在於標準，自己覺得動作走樣就要停，依點相當相當重要，坊間經常會要求5X20次之類，但重點應該係標準，再強調一次，次數並非重點！

一星期後覆診時，楊先生已可將動作升級，例如將跪姿伐木式，升級到站姿伐木式，Bird-Dog亦可以加入負重增加難度，依個時候忠醫就幫佢用中藥改善瘀血問題，同時又再強調一次次數並非重點。

再覆診時，加入全身協調動作，例如：Sea-Star Rolling 同 Bear Crawl，令身體適應局部變化（恢復韌性）。 另一方面忠醫就開始幫手用中藥補氣收尾。

楊先生，過左一排再反饋，踢波時無再拉住拉住，亦無閃親既感覺，自己覺得表現仲好過受傷之前。 依件事係好合理，原因係，受傷前其實腰椎、髖關節活動度，無經過專門訓練，其實可能都未用盡，透過一套完整訓練，加上中醫手法既配合，腰、髖關節情況好過受傷前，只係一件好合理既事⋯

無錯，係應該休息，但只係休息局部區域，例如：肩關節痛，你仍然可以做深蹲之類訓練。 原因在於，你運動時，就算雙手唔郁，心跳一樣會加速，血管一樣會擴張，血流量增加，都可以幫手更快解決發炎之類問題，亦可以一直保持身體狀況係受傷前。 如果完全休息，好大可能疼痛消失後，要重新訓練番去受傷前水平，而且康復速度亦會比有做鍛鍊慢。

得！而且好得！忠醫診所部份醫師曾經擔任過美式足球隊隊醫。 係碰撞激烈既美式足球世界，受傷、扭傷只係家常便飯。 但例如小腿拉傷、抽筋、扭傷之類問題，當對手仲噴緊冷凍噴劑，中醫可能已經完成針灸，運動員又可以重新上場比賽。